РОССИЯ

Тэ ӧд медся ыджыд,
Кӧсъян да, он вош.
Енмыс тэнад мыджӧд,
Выныд — парма ош.

Пыж моз дорӧд-шӧрӧд
Катан зэв нин дыр.
Коркӧ боквыв пӧран,
Коркӧ дойдан ныр.

Со и ӧні бура,
Кытчӧ-мый, он тӧд.
Нуысь эськӧ юра,
Да ӧд бокас чӧрт.

Вӧйыштны зэв позьӧ,
Оз кӧ вежӧр сод.
Мед эськӧ эн розясь,
Мед эськӧ эн пот.

Гашкӧ, сувтны колӧ,
Корсьны кӧдж ли ді?
Мунны усьӧм лолӧн
Ог нин вермӧй ми.

Ёнмыштны да бӧрти
Водзӧ кутны туй.
Сӧмын медым чӧртыс
Нырсӧ оз нин сюй.