ЫДЖЫД ӦКСЫ

«Чужан мулӧн шондіыс ӧд кусіс,
Русьным миян сирӧтаӧн колис!» —
Тадз Кирилл епископ миян бӧрдіс,
Александр дай Невский мыйӧн куліс.

Ыджыд ӧксы вӧрӧгъясӧс вермис
Нева вылын да и Чудь ты вылын.
Ыджыд сьӧлӧм тайӧ мортыс пуктіс,
Медым Русь странаным вына лоис.

«Чужан мулӧн шондіыс ӧд петіс,
Миян Русьлӧн бӧр ӧд батьыс лоис!» —
Выль епископ тадзи тай оз горзы,
Абу миян татшӧм ӧксы-пиыс.