МЕДЫДЖЫД САЛДАТ

Аслам няньӧн-солӧн
Донъяла ме кад.
Менам ыджыд мамӧ —
Медыджыд салдат.

Тані, Эжва йылын,
Зэв жӧ вӧлі фронт.
Сылӧн пельпом вылын
Вӧлі му и горт.

Муніс война шӧрас
Верӧс да эз лок.
Йиӧн сьӧлӧмшӧрӧс
Асыкаліс шог.

Ӧтнасӧн и лэптіс
Кизь кодь челядьӧс.
Вӧсни вӧлі зептыс,
Отсалісны йӧз.

Эз кӧ сійӧ горав,
Вермӧмыс эз шед.
Тіянӧс ме кора,
Помнитанныд мед.

Вежавидзан сямӧн
Водзӧ мунӧ кад.
Менам ыджыд мамӧ —
Медыджыд салдат.