ТУРИЯСЫС БӦРДДЗӦМАӦСЬ...

Туриясыс бӧрддзӧмаӧсь гортын,
Гашкӧ, сійӧн петӧ синва моль,
Мый Победа дорысь повтӧм мортыс
Регыд ньӧти му вылас оз коль.

Регыд мунас медбӧръя салдатыс,
Кодӧс Енмыс видзыштӧма сэк.
Но Победа сылӧн коляс татӧн,
Но Победа сылӧн олас век.

Некор мувыв олысьыс оз вунӧд,
Кыдзи шедіс водзӧ оландыр.
Тури кельӧб лэбӧ тувсов лунӧ,
Чужан муным сьыланкывйӧн тыр.