ЕРӦ ЁГОР

Ерӧ Ёгор гажмывлӧ да,
Сьыланкывъяс сьывлывлӧ.
Сьыланкывъяс сьывлывлӧ да,
Ӧти татшӧм овлывлӧ.

«Шондібанӧй олӧмӧй да,
Дас квайт арӧс тыртӧмӧй.
Дас квайт арӧс тыртӧмӧй да,
Кызь арӧс виччысьӧмӧй.

Кызь арӧс виччысьӧмӧй да,
Пӧдругаяс видзӧмӧй.
Пӧдругаяс видзӧмӧй да,
Чуркаясӧс вӧчӧмӧй.

Чуркаясӧс вӧчӧмӧй да,
Сёрӧн нин гӧтрасьӧмӧй.
Сёрӧн нин гӧтрасьӧмӧй да,
Колодаӧс вайӧмӧй.

Колодаӧс вайӧмӧй да,
Ныв-пиянтӧг кольӧмӧй.
Ныв-пиянтӧг кольӧмӧй да,
Коньӧрӧй ме Ёгорӧй».