* * *

Тайӧ виддзыс ыджыд батьлӧн
Ластанас и ыджыд кӧджнас.
Керасьлӧма-ректысьлӧма
Микит пиыд тані ӧтнас.

Тайӧ керка ыджыд батьлӧн —
Ыджыд пача, кильчӧ выла.
Ыджыд мамлӧн пирӧг-шаньга
Век на быттьӧ вомын сылӧ.

Тайӧ кывйыс ыджыд батьлӧн,
Некор абу ёрччыштлӧма.
Мыйлакӧ тай карас пиӧй
Внукӧс абу велӧдӧма.

Тайӧ кадыс ыджыд батьлӧн —
Йӧзӧс йӧртысь, йӧзӧс виысь.
Мед жӧ эськӧ ловйӧн коляс
Кодкӧ Лодыгинъяс пиысь.