* * *

Абу коктӧм, абу китӧм,
Вӧрӧ муні корсьны шуд.
Тарыс, быттьӧ истребитель,
Вурыштіс — и син эз кут.

Чукчи резювъяссӧ чегис —
Шпула-шполакыліс яг.
Бура дыр на роскыс легис,
Гӧгӧр тырыс вӧлі тшак.

Пелысь вӧччӧма нин вӧлі
Дас квайт арӧсаяс моз.
Синъяс кындзи, аддзис сьӧлӧм
Сылысь сикӧтшасьӧм роз.

Вӧрысь локта небзьӧм лола,
Пыста вӧтчӧ шпыр да жбыр.
Кодкӧ рытнас мед и волас,
Пукалыштам ныр на ныр.