ЙӦРАПИ

Гашкӧ, Енмыс миянӧс нин ёрӧ,
Мыйла лоим зверъяс кодьӧсь ми:
Парма шӧрысь локтіс кильчӧ дорӧ,
Сиктысь мамсӧ корсьӧ йӧрапи.

Веськӧдчылас коньӧр мӧсъяс шӧрӧ,
Но оз сэтысь мамыс сылы сюр.
Кӧсъяс пырны кукань дінӧ йӧрӧ —
Потшӧс костӧ сибдӧ сылӧн юр.

Ветлас корсьны мамсӧ ю кыр йылӧ,
Но оз тӧлыс сылысь дуксӧ вай.
Мамсӧ важӧн жаритлісны сылысь,
Вина сорӧн кылӧдісны яй.

Гашкӧ, Енмыс миянӧс нин ёрӧ,
Мыйла лоим зверъяс кодьӧсь ми:
Парма шӧрысь локтіс кильчӧ дорӧ,
Сиктысь мамсӧ корсьӧ йӧрапи.