* * *

Волас оз нӧ тешитчӧмлы помыс? —
Абу россиянин ме, а коми.
Коми батьлӧн, коми мамлӧн пи ме,
Гашкӧ, сӧмын абу коми нимӧй.

Чужӧмсяньым коми вира, лола,
Ог Тамбовын, Эжва йылын ола.
Коми шыяс Коми муысь кыла,
Коми кывйӧн гижа ме да сьыла.

Паспортам бӧр гижӧй коми мортӧн,
Ме ог кӧсйы кольны вужтӧм ортӧн.
Мед Россия дзоридзалӧ-олӧ,
Но мый аслам — сійӧ бӧрдмӧн колӧ.

Сӧвесьттӧмъяс, тешитчӧмысь дугдӧй!
Ог на воштыв лача. Гашкӧ, югдас?