* * *

Зэв тай эськӧ уна дзоридзыс,
Да кушӧдз нетшкасны.
Зэв тай эськӧ джуджыд туруныс,
Да кушӧдз ытшкасны.
Кушӧдз нетшкасны
Да кушӧдз ытшкасны.

Зэв тай эськӧ сыла мырпомыс,
Да кушӧдз вотасны.
Зэв тай эськӧ мича кыдз пуыс,
Да кушӧдз кулясны.
Кушӧдз вотасны
Да кушӧдз кулясны.

Зэв тай эськӧ югыд шондіыс,
Да регыд саялас.
Зэв тай эськӧ лӧсьыд нылыс,
Да мӧдлы сетасны.
Регыд саялас
Да мӧдлы сетасны.