* * *

Вӧрӧ вошин кӧ, да кӧдзыд,
Шливгӧ кӧ сьӧд зэр,
Дугды сэтчӧ-татчӧ жӧдзны,
Пурттӧ босьт ли чер.

Сюмӧд кульыштны эн тэрмась,
Тӧдны колӧ тэд:
Сійӧ сёысь кусны вермас,
Биыд оз и шед.

Тэныд матіысь и сюрас
Крепыд, сирӧд мыр.
Чагъяс биыд босьтчас бура,
Мырйыс сотчас дыр.

Мича биыс шонтас-косьтас,
Бара ёнмас сӧн.
Сэсся-й шонді туйтӧ восьтас,
Горттӧ индас, кӧн.

Со мый нӧшта содта татчӧ:
Ёрттӧ тадз жӧ корсь.
Сюмӧд мозыс мед эз гартчы,
Кор тэ панін кось.