РУЧ ТАРКӦД

Джуджыд гажа пожӧм ягӧд каньзьӧдӧ руч.

Ныр чургӧдӧма, гоннялӧ, исасьӧ. Буракӧ, абу зэв пӧт.

Ӧти пӧжӧм ув вылысь аддзӧ сьӧд тарӧс.

— Тарас, Тарас! Ме карӧ ветлі.

— Бу-бу-бу! Мый нӧ, ветлін кӧ.

— Тарас! Тарас! Ме закон вайи.

— Бу-бу-бу! Мый нӧ, вайин кӧ.

— Закон тіян йылысь петӧма. Пуяс вылысь лэччыны, му вывъясті котравны, веж лудъяс вывті гуляйтны.

— Бу-бу-бу! Мый нӧ, гуляйтны кӧ.

Сэки кыліс телега дзуртыштӧм шы.

— Тарас, видзӧдлы, коді туй кузяыс локтӧ.

— Мужик.

— Водзвылас коді котӧртӧ?

— Чань, буракӧ.

— Бӧжыс кутшӧм?

— Крукыля.

— Видза колян, Тарас! Мунны колӧ... Ӧні ог эшты...