ШОНЫД КОРСЬӦНЫ

Паныдасис ӧш межкӧд дай юалӧ:

— Кытчӧ нин, межыс, мӧдӧма?

— Шоныд гожӧм корсьны.

— Мунам тшӧтш, — шуӧ ӧш. — Ме сійӧ могӧн жӧ мӧдӧдчи.

Мунӧны. Налы паныдасис порсь.

— Кытчӧ нӧ мӧдін, порсьӧ?

— Шоныд гӧжӧм корся, — шуӧ порсь.

— Мунам тшӧтш миянкӧд.

Мӧдісны куимӧн. Паныдасис налы дзодзӧг.

— Кытчӧ нин мӧдӧма дзодзӧгыс? — юалӧны найӧ.

— Шоныд гожӧм корся.

— Сідзкӧ лок миян бӧрся.

Мунӧны нёльӧн нин. Паныдасис петук.

— Кытчӧ нин, петукыс, мӧдӧма?

— Шоныд гожӧм корся.

— Ми шоныд жӧ корсям. Лок нӧ тшӧтш мунам.

Мунӧны витӧн. Сёрнитӧны, кыдз кутасны кӧдзыд тӧв коллявны. Ӧш шуӧ:

— Вайӧ жӧ ӧтвылысь керка лэптамӧ!

Меж сэтчӧ шыасис:

— Мый нӧ керкасьыс! Менам пасьӧй шоныд, аддзанныд гӧныс кутшӧм.

Порсь рукӧстіс:

— Ме некутшӧм кӧдзыдысь ог пов. Кодйыся муӧ да керка оз ковмы.

Дзодзӧг герчкӧ:

— Ме коз вылӧ

— Ме сідзи жӧ тӧвъя. Керка оз ков.

— Ті кыдз гаж, — шуӧ ӧш, — ме ас пайысь сувтӧда керка.

Вӧчис ӧтнас ӧш керка дай овмӧдчис.

Воис кӧдзыд тӧв. Быд ловъя лов кӧрсьӧ шоныдін. Меж дыр кынмис. Сэсся локтіс ӧш керка дорӧ, вӧзйысьӧ:

— Лэдз, зонмӧ, шонтысьны.

— Ог лэдз, шуӧ ӧш. — Тэнад ӧд пасьыд шоныд оз ков керка.

— Он кӧ лэдз, ӧддзӧдчӧмӧн люкышта, ӧдзӧстӧ жугӧда.

Ӧш гӧгӧр артыштіс дай лэдзис.

— Гашкӧ збыль жугӧдас да.

Порсь кынмыны кутӧма, локтӧ, руксӧ:

— Лэдз, зонмӧ, шонтысьны.

— Ог лэдз, — шуӧ ӧш, — тэ ӧд муӧ кодйысян, тэд некутшӧм керка оз ков.

— Он кӧ лэдз, керка мудӧдтӧ кодъя, аслыд жӧ кӧдзыд лоӧ.

— Мый сэсся керан?! Лоӧ лэдзны.

Сідз жӧ локтісны дзодзӧг петуккӧд. Вӧзйысьӧны:

— Лэдз, ӧшкӧй, шонтысьны миянӧс.

— Ог лэдз, — шуӧ ӧш. — Тіян морт кык бордйӧн, ӧтисӧ вольсаланныд, мӧднас шебрасянныд. Оз некутшӧм керка ков.

— Он кӧ лэдз, — шуӧ дзодзӧг, — став нитштӧ кер костъяссьыд перъялам. Аслыд жӧ кӧдзыд лоӧ.

Мый сэсся керан?! Лои лэдзны ставнысӧ.

Коркӧ руч казялӧма шоныд керкаын олӧм. Нуӧдӧ сэтчӧ кӧинӧс да ошкӧс, шуӧ:

— Шонтысьыштам дай сёйыштам неуна.

Мӧдісны. Воисны коркӧ ӧдзӧс дорӧдз. Руч кӧинкӧд пырисны керкаӧ, ошкӧс колисны ывлаӧ. Керкаын ручӧс да кӧчӧс топӧдісны витӧннад пельӧсӧ. Коньӧръяс пикӧ воисны. Руч видзӧдлывлӧ ӧдзӧс вылӧ, мӧвпалӧ пышйыны. Ош дӧзмис виччысьны, дыр буракӧ лои, сэсся паськыда ӧдзӧс восьтіс дай долыда пырис. Керка пытшса эновтісны ручӧс кӧинкӧд, уськӧдчисны ош вылӧ. Ручлы сійӧ вӧлі и колӧ. Ӧдйӧ тай туйтӧ аддзис вӧрад, сы бӧрся кӧин. Пышйӧны, бӧрӧ оз видзӧдлыны. Ош чуймис, сувтіс бӧр кокъяс вылас, водзӧ мунны ни бӧр петны оз гӧгӧрво. Сэсся тай мурӧстас, да тшӧтш вӧрӧ.