МУСАӦЙ МАМӦЙ

Кӧні чужлі, сэтчӧ век на вола,

Ӧшинь улӧ петшӧр мед эз пет.

Сэні медся дона мортыс олӧ,

Кевмӧ, Енмыс менӧ видзис мед.

Мусаӧй дай менам мамӧй,

Сьӧлӧмшӧрӧй, дыр на ов.

Шуан кыв да — шогӧй ямӧ,

Петас нюм да — югдӧ лов.

Век на сійӧ тюрӧ пач вом дорӧ,

Век на сылӧн пызан вылыс тыр,

Век на менӧ тӧлкӧн овны корӧ,

Быттьӧ эз и кольлы челядьдыр.

Мед жӧ сылы луныс лоӧ мича,

Мед жӧ сылӧн кокни лоӧ ун.

Мед жӧ сійӧс асьсӧ Енмыс видзас,

Сетас овны зэв на уна лун.