МАМЛЫ

Лӧзӧн да, гӧрдӧн да визьйӧдліс

Асылыс енэжлысь бан.

Чеччис да ӧшиньӧ видзӧдліс

Водза-водз кыпалысь мам.

Мичаӧй, мусаӧй, донаӧй,

Менам дай сьӧлӧмшӧрӧй!

Олӧмыс кусняліс ёна-ӧ,

Быдӧнлы висьталан мӧй?

Зарниӧн пасьтӧдны кӧсйылі,

Сӧмын тай нинӧм оз шед.

Арыс кор бипурӧн ӧзйылӧ,

Зарнисӧ коялӧ тэд.

Мичаӧй, мусаӧй, донаӧй,

Менам дай сьӧлӧмшӧрӧй!

Сьӧлӧмӧс чепӧльтӧ ёна-ӧ,

Быдӧнлы висьталан мӧй?