ПЬЕСАЫСЬ «ВОДЗӦС»

Ӧтилаын:

Варук (мужикыслы). Дугдыны буракӧ, Мишӧ, лоӧ самӧкуртӧ вӧчӧмысь...

Закар Миш (бабаыслы). Мый сідз? Няньыд ӧд таво тырмас! Зэв нин кӧнкӧ дас пудйыд сы вылӧ во гӧгӧрнад мунас да... Ёнджыкӧс колӧ вӧчны-а...

Мӧдлаын:

Закар Миш (пиыслы). Тшыгъялысьяслы отсавны колӧ эськӧ да... Мыйӧн нӧ, Ёгор, ми отсалам? Няньным ӧд аслыным оз судзсьы!.. Уна-ӧ нӧ миян ня-ань?..

Коймӧдлаын:

Варук (ставныслы). Налӧ-налӧ, жӧритӧ, ад горшъяс!.. Мед тасасяс горшаныд да виньданныд миян нянь кусӧкӧн!..

Коми войтыр! Энӧ лоӧ ті Закар Миш гозъя кодьӧсь тшыгъялысьяслы отсӧг сетігӧн! Кывзӧ, мый шуӧ мӧд крестьянин, гӧль морт:

Спира (ставныслы). Ме ас пайысь ог жӧ кольччы: мый верма — сета тшыгъялысь йӧзлы... Ӧні кӧ налы сетан шӧрӧм нянь — мӧдысь найӧ ыстасны дзонь тупӧсь!..

Со кыдзи колӧ тӧждысьны тшыг йӧз дор!