***

Неважӧн на «велӧдчӧм» йӧз Коми му пасьталаыс горзылісны: коми йӧзлӧн пӧ мойдан ни сьыланкыв нинӧм абу. Вӧлӧмкӧ, равзӧны асланыс тӧдтӧм вӧснаыс. Ӧні миян коми издательствоын эм сё-мӧд мойд, уна сьыланкыв (народнӧй), гашкӧ 300 нӧдкыв (загадка). Сӧмын шусянкывъяс (пословицы и поговорки) этша.

Миян шусянкывъяс аслыспӧлӧсӧсь, абу роч кодьӧсь. Рочьяслӧн кык сёрникузяаӧсь (предложенньӧаӧсь), миян унджыкыс ӧти сёрникузяа («Шебрас серти и нюжӧдчан», «Йӧз синмӧ эн видзӧд»). Гашкӧ, тайӧ аслыспӧлӧс пондаыс и озджык аддзавны шусянкывъяссӧ, оз гижавны.

Гижалӧй, коми йӧз, коми мойдан-нӧдан-сьылан-шусянкывъяссӧ! Велӧдысьяс, велӧдчысьяс пырныд!..

Коми издательство.