КОМИЛЫ

Сыктывкарын воссис Коми Институт, коми школаясӧ велӧдысьясӧс велӧдны. Ме вӧлі чайта, мися, кӧнкӧ сэні кутасны велӧдны — кыдзи колӧ комиӧн велӧдны школаясын. Дажӧ ӧд Институтлӧн Правленньӧыс постановленньӧ вӧчлӧма, мед коми лекторъяс лыддисны лекцияяснысӧ комиӧн. Зэв бур делӧ эськӧ сійӧ да, мыйкӧ тай Правленньӧыс унмовсис. Коминас лыддьӧны сӧмын Молодцов, Коданев, Попов да Кудяёв, мукӧд коми лекторъяс весиг оз думыштлыны комиӧн лыддьӧм йылысь. Сэсся ӧні неважӧн студентъясӧс новлӧдлісны пробнӧй урокъяс кывзыны. Эз ӧд коми урокъяс вылӧ, эн думайтӧй. Унджык «пробнӧй» урокыс вӧлі роч, мукӧд урокъяс вылас коми кывйыд дум выланыс усьлӧ, да коминад кыв-мӧд казьтыштласны жӧ. Тадзи велӧдӧмнад ог тӧд нин коми велӧдысьясыд лоӧны-оз!..

Кодкӧ