ЗЫБКА ДОРЫН

Узь, сьӧлӧмшӧр, лӧсьыдика,
Кокньыдик онмӧн!
Тэнӧ видзам долыдика
Ай-мам чукӧрӧн.

Быдмыштан — сетам школаӧ,
Эн жалит уджтӧ...
Велӧдчӧмыд ӧд шаньмӧдӧ
Став олӧм ногтӧ.

Тэ вылӧ надейтчам ёна,
Ставӧн виччысям,
Бать туйӧдыд мый тэ мунан — 
Сьӧлӧмсьыд тувччан.

Висьталасны тэд мукӧдъяс,
Кыдз батьыд овліс:
Эновтіс татысь олӧмъяс,
Вӧля, шуд перйис.

Кутан нэм бурлань зырсьыны
Бурджыкӧн лоны.
Нэм ӧтвылысь пыр мырсьыны — 
Артельын овны.

Гӧль йӧзъяслы вӧля вылӧ
Мунны лои дыр,
Туйяс вывсьыс лежнӧгъяссӧ
Весалігмоз пыр.

Узь жӧ, сёшайт, зарни мортӧй, — 
Тэныд оландыр!
Быдмигкежлӧ коммунатӧ
Дорам пырысь-пыр.

Габ Як