НЫВБАБА САДЬМӦНЫ

Миян Нёбдінын нывбаба праздник лунӧ чукӧртчылім зэв унаӧн, керкаыс тырліс йӧзнас. Татчӧс велӧдысь войтыр унатор висьталісны, кыдзи войдӧр коми нывбаба овлісны, кыдзи позьӧ овны, кыдз пондасны водзӧ овны. Кывзім зэв бура, унатор гӧгӧрвоим, вӧлисти син водзьяс заводитчисны югдыны, сьӧлӧмӧдзным пырис став бур висьталӧмыс войтырыслӧн. Коми спектакын ворсісны «Бур ань». Вӧлі зэв гажа. Войдӧр татшӧм гажа олӧм ми нывбаба эг аддзывлӧй. Нывбабаяс, кутчысямӧй чорыда выль олӧмӧ, сӧветскӧй олӧмӧ, коді видзӧ чужтысьясӧс, челядьясӧс, ставсӧ югдӧдӧй, велӧдӧй, вайӧ нывбабалы долыд, кокньыд лун, кодӧс ӧнӧдз шоча на аддзывлім. Ӧтувтчамӧй топыда, чорыда босьтчамӧй аслыным нывбабаяслы кокньыд, долыд олӧм лӧсьӧдны.

Нёбдінса баба.