***

Ме Кавказысь отпускӧ локтігӧн вои тӧварищкӧд Леткаӧ рытын, час сизимын кымын. Пырим питательнӧй пунктӧ юасьны, позяс оз нянь пӧлучитны. Заведующӧйыс шуӧ: «Талун оз позь — аддзан, узям нин». Ме сэсся юалі: кор мися позяс пӧлучитны? Сіӧ шуӧ: «Аски лун шӧр гӧгӧр воас членыс. А сэки пӧлучитанныд».

Миянлы лои виччысьны аскиӧдзыс.

Мӧд луннас час дас кыкын воис член, коді сеталӧ ярлыксӧ, да сэсся коркӧ эськӧ сетісны куим пунт нянь, сӧмын няняс джынйыс лыа. Сэсся дзик дуб, весиг прамӧя сёйны эз шогмы.

Сэтшӧмсӧ колӧ велӧдыштны, мед мӧдысь красноармейцыӧс лыаӧн эз вердны.

«Кавказысь локтысь».