ЕНЛЫМыйла ланьтін, ыджыд ен? Сідзи мӧй нӧ колӧ? Пӧрысь йӧзӧс кутӧ шен: Том йӧз ентӧг олӧ, — Вичко пыдди налӧн — клуб, — Сӧмын пӧрысь ветлӧ; Блюдйӧ ӧкмӧ этша руб, Сиськыд абу — петлӧ! Паськыд муын уна лёк, Тэныд колӧ тӧдны: Йӧзыд пытшкын пуӧ рок — Озыр кӧсйӧ пӧдны. Кытчӧ вошин, ыджыд ен? Кӧні тэнад милӧсьт? Святӧйясыд тэнад кӧн? Оз кывсьы на йылысь... Большевикӧн муыд тыр, Чинӧм пыдди чӧжсьӧ, Белӧйяслӧн киссьӧ ныр — Воддза олӧм вежсьӧ. «Код оз уджав — мед оз сёй!» — Ӧнъя права шуӧ, — Озыр йӧзлы, милӧй мой, Ковмас пырны гуӧ... Коді пуктас сэки сись? Мыйла сідзи узян?.. Большевиклӧн син оз вись, Сӧмын сійӧ пузьӧ... Поплы нинӧм оз шед дзик, Норма вылын (?) мырсьӧ... Мукӧд попыд — большевик, — Панёв ордын шырсьӧ... Кытчӧ воши тэнад бур — Озыръясӧс лэптӧм?.. Озыр гӧльӧс мед оз пур, Юртӧ эн и лэпты!.. Век на юрбитас мед пӧль, Колӧкӧ со — кӧкӧд... Тэтӧг лучшӧ олас гӧль — Важӧн вӧлі сьӧкыд.
