МОЙД-ЗБЫЛЬ

Лыддьысьяс, кывзысьяс, кывлылінныд важ йӧзлысь висьталӧм:

— «Дуда, кодлы нӧ тоштӧ вузалін?»

— «Коса вылӧ вежи».

— «Мый вылӧ нӧ косаыс?»

— «Турун ытшкыны — вӧлӧс-мӧскӧс вердны».

Кывлылінныд?

Со ӧд, тошнысӧ вӧлӧм коса вылад оз жалитны. Сэктӧ ӧд тошкыд дона на вӧлӧма. Шырныыд вӧлӧм оз на туй! Коланторджык вӧлӧма косаыд.

Ӧні нӧ косаыс сэтшӧма жӧ колӧ?

Колӧ, дерт! Сӧмын унджык йӧзыс ӧні тоштӧмӧсь, да косаыд тош вылад оз ий сюр.

Ӧні колӧ тшӧктыны став дорччысьсӧ кыдзкӧ-мыйкӧ мукӧдтор вылӧ дорны. Ӧнісянь найӧс мездӧны мукӧд уджысь.

Эн вунӧдӧй: косасяньыд ӧд шыд-рок пуӧмӧдз воан!

Ытшкысь.