ОГ ВЕРМЫОлан-вылан, «Уджӧ» гижысь, Коді гижсис — «Видз»! Гашкӧ, чайтан, ми пӧ дышӧсь? Ме да шуа сідз: «Ой, ог вермы выльтор сетны — Коми лыддянтор... Служба вылысь некыдз петны, Уджӧй — унатор: Канцелярияын колӧ Гижны лун и вой; Шойччан пӧра оз и волы — Ёна мудзӧ сой. Лунысь лунӧ делӧ вылын — Ёна мудзӧ юр; Йӧйман лунӧй абу ылын — Регыд лоа дур... Ой, ог вермы выльтор сетны — Уна быдся удж; Сӧмын оз ков вурун летны — Абу летчан вудж.
