УДЖАЛӦЙ ТАДЗИ — БЫДТОР ЛОӦ!

Ыбын эм вурсьысь йӧз чукӧр (союз швейной промышленности) — кызь кык морт. Восьтӧмаӧсь уджаланін (мастерскую). Сэтчӧ колӧ унатор: гырысь паськыд пызанъяс, скамьяяс, пес да мукӧдтор, а нинӧм абу. Мый жӧ вӧчны? Сэсся ас костаныс и шуӧны: «Вайӧ жӧ босьтчыламӧй асьным — быдтор лоӧ!»

Ай да йӧз! Тадзи и колӧ.

Чукӧртчисны ӧти лунӧ, дас нёль вӧлӧн кызь кык морт кайисны вӧрӧ, кералісны конда, вайисны-вӧчисны кык сыв да джын пес. Мыйкӧ дыра кежлӧ пес лои.

Сэсся сідз жӧ пызанъяс вылӧ ваялісны гортсьыныс коді плака, коді кыкӧс. Регыд артмисны налӧн пызанъяс и скамьяяс.

Уджалӧны асыв сизим чассянь рыт нёль часӧдз.

Босьтчылӧй, бур йӧз, тадзи уджавны — быдтор лоӧ!

Кодкӧ вылӧ оз ков надейтчыны ӧні, колӧ ставсӧ аслыным лӧсьӧдны.

Братинков.