ЭЗ КОВ ВӦЧНЫ НЫВБАБА ТӦДТӦГ

Нёбдінын эм «Женотдел». Уджысь сійӧ оз пов. Быдторсӧ кӧсйӧ тӧдны, мед пӧ вӧлӧсьтын миян тӧдтӧг нинӧмтор оз вӧчны. Неважӧн сэн Исполкомас вӧлӧма собранньӧ волкомтрудлӧн — удж вылӧ йӧзӧс ыстӧм йылысь. Женотделысь некодӧс абу корӧмаӧсь сійӧ собранньӧ вылад, а бӧрыннас налы жӧ и гижӧмаӧсь: некӧн пӧ абу гижӧма сэтчӧ тіянӧс корӧм йылысь. Гижныс эськӧ сы йылысь и гижӧма, Нёбдінса Исполком, да-й эз кӧ вӧв гижӧма, тэд колі аслыд гижны сійӧ. Удж вылас ӧд и нывбабасӧ ыстад, а коді нӧ наысь ёна вермас тӧдны, кутшӧм удж вылӧ позьӧ кодӧс ыстыны, кутшӧм вылӧ оз?