ВАЖӦН И ӦНІВажӧн сӧмын тӧдліс сар Кабак да пӧлица; Ӧні коми «Сыктывкар» — «Зыранскӧй столица». Пемыд пытшті ветлім дыр, Лымсӧ, няйтсӧ лойим... Ӧні оз нин доймы ныр — Лектричество лои. Важӧн, кыдзи вӧрын лыс, — Пемыд, пыр и вошан, Нылӧс босьтан киӧдыс — Кватитчан да... тоша. Ӧні сюръя йылын би, Сутугаӧд мунӧ, Сэтшӧм югыд — той кӧть ви, Лун-ӧ, вой-ӧ, — вунӧ. Важӧн спектак вылын роч, Югыд кизя, вӧрӧ... «Прӧстӧй» йӧзлы шуӧ — «проч! Ті пӧ онӧ тӧрӧ!» Ӧні, майбыр, толькӧ пыр, Некод нин оз вӧтлы; Коми йӧзлы гаж эм пыр, Сӧмын клубӧ ветлы. Важӧн сарыд вӧлі бур: Винаясӧн пӧдтӧ — Пемыд йӧзлы сюйӧ дур, — Шоша вылад рӧдтӧ... Барин водзын коми кыв Петкӧдлыны полім... Коми йӧзлы чужан кыв Важысянь нин колі. Ӧні аддзад, эм кӧ юр, Коді олӧм вайӧ, Кутшӧм права вӧчӧ бур: Важыд али тайӧ.
