ЛЁКВИСЬӦМ ЙЫЛЫСЬ

(Сифилис)

Лёквисьӧм зэв вуджысь да дыр висьӧдысь. Лёквисьӧмӧн висьысьлы дзикӧдз бурдтӧдзыс ёна колӧ видзчысьны, мед эськӧ висьӧмыс эз вудж дзоньвидзаяслы.

Лёквисьӧм медкокньыда вуджӧ: льӧквисьыськӧд гозйӧн узьлігӧн, вермӧ кӧласьны окасигӧн, ӧти тасьті-паньӧн сёйигӧн, ӧти кӧшысь юигӧн, йӧзлысь чигарка пом куритігӧн, сідз водзӧ. Лёквисьӧмӧн висьысь мамсянь висьӧмыс нёньӧдчигас вермас вуджны кагаыслы. Лёквисьӧмӧн висьысь йӧзысь колӧ видзчысьны быдсяма ногӧн.

Лёквисьӧм бурдӧ, сӧмын колӧ лечитчыны доктор тшӧктӧм серти. Знакаръяслысь кывзӧмӧн верман асьтӧ дзикӧдз тшыкӧдны. Мыйӧн казялан ассьыд висьӧмтӧ, пырысь-пыр колӧ мунны доктор дінӧ.

Сэтшӧм висьысь мортлы бурдтӧдзыс оз кӧв нывбабаяскӧд овны, вина-суртӧ, самӧкуртӧ юны, табак куритны. Гӧтрасьӧмысь колӧ видзчысьлыны бурдтӧдз: висьысь морт висьмӧдас гӧтырсӧ да и челядьыс висьлӧсӧсь лоӧны. Лёквисьӧмӧн висьлӧм мортлы гӧтрасьтӧдзыс войдӧр колӧ петкӧдчыны докторлы.

Лечитчигӧн быд лун колӧ вомтӧ пӧлысь-мӧдысь пожъявны да пиньястӧ чиститны.