МЕНАМ ПОТШӦС

Менам потшӧсӧй ӧдвакӧ пӧрас:

Сійӧ — нэмъясӧн сулалысь вӧрыс.

Помся мортыс и, кӧртыс и йирӧ,

А ӧд сулалӧ сира и вира.

Сійӧ тӧлӧс и вӧрӧгӧс кутӧ,

Дорйӧ сьӧлӧмсянь ас чужан мутӧ,

Кӧні олӧны шудыс и шогыс,

Кӧні ловъяӧсь бурыс и лёкыс.

Кытысь ветлӧны матӧ и ылӧ

Да бӧр локтӧны кильчӧяс вылӧ.

Кодлы висьталан, сьӧлӧмад мыйыс,

Кӧні овлӧ и нянь вылӧ выйыс.

Менам потшӧсӧй ӧдвакӧ пӧрас:

Сійӧ — некорсӧ бырлытӧм вӧрыс.

Абу кок улӧ лӧсьӧдчысь идзас,

Сійӧ-й ме бӧрын локтысьӧс видзас.