* * *

Лӧз тыӧ енэж гатшасьӧма раскын,

И эжӧр боксӧ эновтӧма тӧв.

Виж коръяс тані бергаласны аски,

И бара лоӧ мыйкӧдыра чӧв.

Кыз унмӧ усьтӧдз весьӧпӧрлас ывла,

И кывлас, кыдзи горӧдчылас юсь,

И бордӧн вартӧм кыдзьяс костын кывлас,

Но оз на зэрыс йиа шӧртӧн усь.

Куш берег вылӧ кодкӧ ӧтнас волас

Да сюяс вомас шома пелысь моль,

Гӧрд бана лунъяс казьтылӧмӧн олас

Да, гашкӧ, жальӧн нинӧмсӧ оз коль.