МЕ — КРЕСТЬЯНИНЛӦН ПИ

Ме — крестьянинлӧн пи. Гашкӧ, та вӧсна муса,

Кыдзи тшупсьӧмъяс йылысь на сёрнитам ми.

Ме — крестьянинлӧн пи, и быд тулысын мусӧ

Гӧрны петтӧдз век чабралӧ-видлалӧ ки.

Ме — крестьянинлӧн пи. Гӧртӧг куйлӧ кӧ идза,

Быдсӧн кӧдзавла, сьӧлӧмнам эськӧ кӧть ён.

Гашкӧ, та вӧсна бара жӧ сиктса моз видза

Ог сэн кутшӧмкӧ моська, а вӧралан пон.

Ме — крестьянинлӧн пи. Бара та вӧсна, гашкӧ,

Кыдзкӧ мусаджык сиктысь жӧ кыввора ныв.

И, дерт, та вӧсна сьӧлӧмсянь ставыслы вашка

Чужан му йылысь лӧсьӧдӧм шань сьыланкыв.