* * *

Пыркӧдӧ чуньяссӧ тулыс,

Быттьӧкӧ лапасӧ кань.

Дасысь нин кунӧрыс суліс

Мунігам, ерӧмакань.

Чардыс оз котшкы да, аттьӧ,

Нэмӧс мед помышті нин.

Енэжлысь лӧзъюгыд платтьӧ

Косявлӧ, яндысьтӧм син.

Войнас кӧ кольмылӧ — ладнӧ,

Луннас ӧд пӧрччӧдлӧ дзик.

Дивитӧ, шензьӧ и радлӧ

Ӧтпырйӧ палялӧм сикт.

Майбырӧй, некор оз нэрмы,

Сьӧлӧмыс — ыпъялан би.

Тадзи жӧ водзті ме верми,

Вӧлі кор зӧлӧта пи.