* * *

«Кытысь нӧ тіянлы пев пом гырся пувйыс?»

«Вотім тай, вотім тай Ыджыд сотчӧм ягысь».

«Кытысь нӧ тіянлы пелыс кузьта сирыс?»

«Кыйим тай, кыйим тай Кӧина дай йирысь».

«Кытысь нӧ тіянлы татшӧм удал зонмыс?»

«Сюрис тай, сюрис тай ӧти чӧс туй помысь».

«Кытысь нӧ тіянлы татшӧм мича нылыс?»

«Аддзим тай, аддзим тай ӧти пач вом дорысь».

«Кытысь нӧ тіянлы татшӧм сьыланкывйыс?»

«Качис тай, качис тай югыд эрдъяс вылысь».

«Кытысь нӧ лоанныд асьныд татшӧм йӧзыс?»

«Олам да, вылам да гажа Коми муын».