* * *

Мыйлакӧ сувті да сулала,

Ывласӧ аддза и ог.

Овнысӧ му вылын сулалӧ,

Абу кӧ ӧтарӧ шог.

Лэбӧны воясыс, тэрыбӧсь,

Шонтӧ и кӧдзӧдӧ лун.

Льӧмъя да пелыся берегысь

Некытчӧ некор ог мун.

Кодікӧ олӧмтӧ быдмалӧ,

Киӧдыс некыдз он кут.

Кӧні тай чужан да быдмылан,

Сэтысь и сюрыштӧ шуд.

Сьӧлӧмӧ лэбачьяс пырӧны,

Борд вылӧ кылӧдігмоз.

Юр весьтысь кодзувъяс бырӧны,

Менам веж пристаньӧй — оз.