* * *

Чужанінын олі-вылі

Быдса сизим пывсян кост.

Сійӧ менам Воч ю йылын,

Кӧні эм на пыж и пос.

Джуджыд вӧрын кыйси-вотчи,

Визув ваын мыськи мудз.

Пелысь биын гӧрдӧдз сотчи,

Югыд кодзулӧдз эг судз.

Ӧти-мӧдкӧд сёрни куті,

Висьтасисны тадз да сідз.

Этша нин пӧ тані шудыс,

Эм пӧ, гашкӧ, сӧмын мич.

Тӧда: збыльысь сьӧкыд олӧм,

Аддза: збыльысь эндӧ му.

Но ӧд, кынмыны кӧ лолӧн,

Кӧть дзик ӧні кодйы гу.

Меным шудыс — аслам ордым,

Меным шудыс — аслам йӧр.

Меным шудыс — мый ме гортын,

Ылавлі да вои бӧр.