* * *

Чужанінысь кывза йӧласӧ,

Чужанінысь аддза вӧласӧ.

Чужанінысь кӧвта лысвасӧ,

Чужанінысь кыла пыстасӧ.

Чужанінысь ӧкта дзоридзсӧ,

Чужанінысь вунда корӧсьсӧ.

Чужанінысь вота кольяссӧ,

Чужанінысь посъя ёльяссӧ.

Чужанінысь кела юяссӧ,

Чужанінысь гӧра муяссӧ.

Чужанінысь берта мыръяссӧ,

Чужанінысь вена кыръяссӧ.

Чужанінысь корся сьылансӧ,

Чужанінысь бӧръя кылансӧ.

Чужанінысь ошка олӧмсӧ,

Чужанінысь аддзи ме шудсӧ.