ГӦРД ПЕЛЫСЯ МУ

Зэв мичаник сиктаным пелысь,

Кор тулыса улича выв.

Сэк лым еджыд платтьӧӧн келӧ

Лӧз Эжваӧд томиник ныв.

Зэв мичаник сиктаным пелысь,

Кор ар нин, но луныс вель кузь.

Сэк тёльскӧ на ва вылын пелыс

Да Эжвакӧд прӧщайтчӧ юсь.

Зэв мичаник сиктаным пелысь,

Кор ыджыда лолалӧ тӧв.

Сэк пуяслӧн чужӧмыс зэлыд

Да Эжваным йи улын чӧв.

Зэв мичаник сиктаным пелысь,

И мичаджык сыысь оз сюр.

Гӧрд пелыся муным век мелі,

Век гажа, век дона, век бур.