ПАВЕЛ ВИС КОСЬТ

Кытчӧ нӧ лэбан ӧдӧба бордӧн,

Вӧснялӧм коска Павел вис косьт?

Медся на лӧсьыд татӧні — гортын,

Гӧститны ӧдзӧс кодлысь кӧть восьт.

Вияма кӧджӧ зорӧд ми чӧвтім,

Сыналіс сійӧс мичаник ныв.

Сыкӧд на-й ӧнӧдз лысвасӧ кӧвтім,

Сыкӧд на-й ӧнӧдз небзьӧдім сыв.

Сыкӧд на-й ягас вотчыны каям,

Чибльӧгӧн ёльысь гумыштам ва.

Сыкӧд на-й татысь турунсӧ ваям,

Эбӧса вӧлӧс доддялам да.

Кытчӧ нӧ лэбан ӧдӧба бордӧн,

Вӧснялӧм коска Павел вис косьт?

Медся на лӧсьыд татӧні — гортын,

Гӧститны ӧдзӧс кодлысь кӧть восьт.