* * *

Дзикӧдз тай нӧ лымйыс тыртіс

Тэнӧ, муса Коми муӧй.

Ӧшинь дорӧ лолӧс пырті,

Эськӧ вӧйис еджыд юӧ.

Но и бесасис жӧ тӧлыс!

Вала туйным дзикӧдз бырис.

Енмӧн овны кӧсъям вӧлі —

Вичко дорӧ туйным тырис.

Ловъяӧсь-ӧ бара йӧзыс?

Кӧдзаліс-ӧ дзикӧдз ловныс?

Мен тай еджыдас и лӧзас

Окота на быттьӧ овны.

Часлы, кыдзи шуліс пӧчӧ,

Лӧдсалышта ваймӧм сьӧлӧм.

Туйсӧ мукӧдыслы вӧча

Аслам сера борда вӧлӧн.