* * *

Но и пуркӧдӧ мусӧ да васӧ!

Эськӧ та мында лымйыс нӧ кысь?

Видӧ войнас нин садьмылӧм асыв

Менӧ кок улас бергалӧмысь.

Ӧти моздор кӧть заппессӧ пырта,

Вомысь тӧдчӧ нин керкаын ру.

Зэв кӧ колӧ, мед сэсся и тыртас,

Ӧтчыд ышмӧмысь нинӧм ог шу.

Руа картупель ельдӧгӧн сёя,

Юа польдымӧн мӧс вӧра йӧв.

Еджыд турӧбын кольӧны вояс,

Ылі муясас некӧн эг вӧв.

Дас кык кильчӧа ас чужан муӧй

Эськӧ киӧд ни кокӧд оз кут...

Коді тӧдӧ, мед сійӧ и шуӧ,

Мый пӧ сэтшӧмыс му вылас шуд.