СЫКТЫВКАРЫН

Сыктывкарын — абу гортын,

Узьлывла аэропортын.

Рӧдвуж ӧдзӧсӧ ог гольӧд —

Асьныс ичӧт жырйын нёльӧн.

Тӧдса ордӧ яндзим пырны —

Дӧсадитчи бура дыр нин.

Узьлан керка вывті дона,

Да и ызгылӧны ёна.

Гуся бабаӧс эг лӧсьӧд —

Семья эм да, абу лӧсьыд.

Со и «ерӧпортас» ола,

Сыктывкарӧдзыс кор вола.

Милиция служба нуӧ:

«Мыйла тані?» — меным шуӧ.

Карӧ, мися, могӧн вои,

Сёрми, некӧн узьны лои.

Автобусӧй, мися, аски,

Кызь минуттӧг сизим часын.

Ладнӧ, узь пӧ — жальныс петас...

Лӧсьыд на тай вӧльнӧй светас.