* * *

Пукалам тэкӧд, пармаса мортӧй,

Ог быттьӧ вӧрын, быттьӧ дзик гортын.

Трачкӧдчӧ бипур. Кутшӧм тан лӧсьыд!

Юыштім чай да, лэччӧ со пӧсьыд.

Надзӧник тэкӧд сёрнияс панім,

Шуин тэ меным: гортӧй пӧ тані.

Лэчча пӧ сиктӧ — кыскӧ бӧр татчӧ,

Зэрыс кӧть шӧтӧ, турӧб кӧть гартчӧ.

Эска ме тэныд, пармаса мортӧй:

Меным ӧд вӧрыс — меддона ёртӧй.

Сійӧн и помся сы йылысь сьыла,

Пармаса шудӧн ола да выла.