* * *

Паськыд парма и степ,

Джуджыд гӧраа діяс,

Лӧзов юяслӧн вӧнь,

Югыд енэжлӧн от.

Ассьыс мичсӧ оз дзеб

Менам дона Россия,

Талун сы весьтын лӧнь,

Биӧн нинӧм оз сот.

Вывті мича жӧ лун,

Мыйта му вылас дзоридз!

Миян шуда зэв нэм,

Быттьӧ гудӧка рыт.

Но оз паметьысь вун,

Мыйта дӧваыс, дзорыс,

Мыйла сы мында эм

Братскӧй гуяслӧн лыд.

Некор враглӧн оз ло

Помтӧм эрда Россия,

Йӧзлы некод оз сет

Пӧльяс-батьяслысь му.

Коляс во бӧрся во,

И век быдмасны пиян,

Налысь юр весьтсӧ мед

Оз нин вевттьы сьӧд ру.