* * *

Чӧвлы, юртӧм публика,

Ройӧ увтысь пон.

Коми му — республика,

Абу регион.

Коми му веж парманас —

Сійӧ дзонь страна.

Вӧлӧма «Биармия»

Коркӧ чудьлӧн на.

Асшӧрлунлӧн подулыс —

Тайӧ коми морт.

Уджалӧ и кодалӧ,

Ловъя, абу орт.

Помасяс республика,

Коми кӧ оз ло.

Вежӧрт тайӧс, публика,

Помӧдз гӧгӧрво.

Регионӧн колям кӧ —

Асшӧрлунлы пом.

Шыркнитасны голятӧ,

Тупкасны и вом.

Видзӧй бура комисӧ,

Медым олас век.

Ставлы гортын овнытӧ

Лӧсьыд лоӧ сэк.