ЕДЖЫД ГОЗЪЯЛӧзов блюдйын быттьӧ еджыд тусьяс, Гӧгрӧс тыын уялӧны юсьяс. Вӧрыс-ваыс сё пӧв гажа-мича, Нимкодяся, шензя, вежавидза. Гашкӧ, тайӧ челядьдырся пыжъяс Вӧчалӧны еджыд борднас кытшъяс? Гашкӧ тайӧ горадзульлӧн синъяс Паськалісны татшӧм гажаинас? Гашкӧ, тайӧ юсьӧ пӧрӧм нывъяс Небзьӧдӧны мусаяслы сывъяс. Гашкӧ, тайӧ миян, кыклӧн, сьӧлӧм Едждӧдчисны асъя парма йӧлӧн. Гӧгрӧс тыын уялӧны юсьяс... Аддзылі да, шудыс меным усяс. Гӧрдӧдасны регыд пелысь розъяс, Аддзысьлам на, коркӧ, еджыд гозъя.
