МЫЙЯС ПРИМЕТИТАВНЫ ГОЖӦМЫН

Ывлавыв вежласьӧм.

1. Пасйӧй 1 лунас да 15-ас быд тӧлысьын шонді петӧм да шонді лэччӧм.

Торйӧн пасйӧй юнь 23ʼ лунӧ шонді петӧм-лэччӧм. Вӧчӧй диаграмма лун чинӧм-содӧм йылысь.

Пасйӧй:

2. Коръясӧ вӧлі гым-чард, кор шер усьлі, ёна руавліс, пужъявліс, ыджыд лёк тӧв кыптыліс.

Быдманторъяс

Пасйӧй:

1. Кор кутісны шепсявны няньяс: сю, ид, зӧр, шобді и мукӧд.

2. Кор заводитчис сю розъявны (дзоридзавны).

3. Кор кутіс пожӧм-коз вылысь коляоз лэбзьыны. Кутшӧма коз коль „тупыльтчис“.

4. Кор заводитчисны вотӧсъяс дзоридзавны.

5. Кор кутісны сёйны выль картупель.

6. Кор кисьмисны вотӧсъяс: оз, чӧд, мырпом, льӧм, сэтӧр, пелысь, пув.

7. Кор кутісны петавны тшакъяс.

8. Кор кутісны вежсьыны пуяслӧн коръясыс: пипулӧн, льӧм пулӧн, сӧспулӧн, кыдзлӧн; кутшӧм рӧмаӧсь лоины найӧ?

Пӧткаяс, пемӧсъяс, гагъяс.

1. Кор заводитчисны чиркъяс чирксьыны (оз чиркъяс, турун чиркъяс).

2. Кор лэбзисны-петісны лэбачпиянъяс позсьыныс, кутшӧмъяс?

3. Кодыр дугдіс кӧк кӧкӧмысь?

4. Корсянь кутісны посни лэбачьяс чукӧрӧн лэбавны?

5. Кодыр вошины-лэбзисны чикышъяс, джыджъяс?

6. Кор борд йыв кыптіны ва пӧткаяс (уткаяс), быдтысисны кӧ матігӧгӧрын?

Мортлӧн уджъяс.

1. Кор кутісны коськӧмъяс (пар) гӧрны.

2. Кор петісны видз вылӧ (турун пуктыны).

3. Кор заводитісны сю кӧдзны.

4. Кор вундыны няньяс заводитісны.

Приметаяс. Лӧддзӧн-номйӧн кӧ гожӧм заводитчӧ — бур во.

Гижӧй асьныд, кутшӧм приметаяс тӧданныд гожся поводдя йылысь, турун-нянь воӧм йылысь, вотӧс лоӧм йылысь; вӧрса пӧтка лоӧм йылысь, прӧмыс (ур) арын лоӧм йылысь гожӧм серти, вотӧс коль серти.

Чукӧрталӧй пӧрысь йӧзлысь юасьӧмӧн да гижалӧй быдлунся пасйӧданыд приметаяссӧ.