МЫЙ ПРИМЕТИТАВНЫ ТУЛЫСЫН
Ывлавыв вежласьӧм.
Пасйӧй:
1. Шонді петӧм да лэччӧм быд тӧлысьӧ 1, 10 да 20-ӧд лунъясӧ. Шонді петӧм-лэччӧм 23ʼ лунӧ мартын. Вӧчӧй диаграмма лун содӧм йылысь.
2. Приметитӧй лым ляпкалӧм (топалӧм).
3. Кодыр лоны кутас лым вылын моз (чарӧм, кень). Мыйысь.
4. Кор сьӧдӧдасны туйяс.
5. Кодыр тшыкӧ тӧвся туй.
6. Кодыр потласяс йи.
7. Кор йи кылалӧ (кутшӧм лунӧ, тӧлысьӧ, кутшӧм юысь).
8. Приметитӧй, ӧдйӧ-ӧ ва туӧ. Ёна-ӧ джуджыда тулӧ ваыс гожся дорысь (кымын сантиметр, метр).
9. Кор дзикӧдз лым бырӧ: сиктысь, ыб вылысь, вӧрысь. Мый понда дыр оз сыв вӧрысь?
10. Пасйӧй медводдза зэр усьӧм, медводдза гым.
Быдманторъяс.
1. Пасйӧй, кодыр мыччысис берба баля бадь пуяслӧн.
2. Чукӧртӧй пожӧм да коз кольяс. Косьтӧй кольяссӧ, сэки наысь кӧйдысыс ачыс гылалӧ. Лыддьӧй, кымын кӧйдыс ӧти колльын. Кымын нӧ кӧйдысыс дзонь пулӧн? Кодыр гылалӧ лыска пуяслӧн кӧйдысыс? Кодыр чужӧ?
3. Кор заводитчас (вӧрзяс) пуяслӧн лиыс (сӧк) ветлыны. Кутшӧм пуяслӧн сійӧ водзджык вӧрзьӧ.
4. Кор гылалӧ бадьяс вылысь берба баляыс.
5. Кор кутасны дзоридзавны медводдза турунъяс.
6. Кодыр кутасны дзоридзавны пуяс: кыдз пу, льӧм, мукӧд. Дзоридзалӧ оз пожӧм, коз?
7. Кор лоӧны вотӧс дзоридзьяс.
8. Кор заводитчас дзоридзавны (розъявны) сю.
Пӧткаяс, пемӧсъяс, гагъяс.
Пасйӧй:
1. Кор казялінныд ракаяслысь локтӧм, либӧ — тӧвйисны кӧ тані — кор заводитісны найӧ горзыны.
2. Кутшӧм пӧлӧс посни сьылысь пӧткаяс локтісны медвойдӧр.
3. Кор локтісны юсьяс, дзодзӧгъяс, уткаяс, мукӧд пӧлӧс ва пӧткаяс.
4. Кор локтіс сырчик.
5. Кор локтіс кӧк.
6. Кор локтісны чикышъяс, джыджъяс.
7. Кор кылінныд таръяслысь кургӧм.
8. Кор пуксьӧдісны тіян курӧгъясӧс пӧжсьыны, кор сэсся пияныс петісны, кымын лун бӧрын.
9. Кор кылінныд первой лягушаяслысь бруткӧм.
10. Тӧдӧдӧй, юасьӧй да, кодыр петӧ гуысь ош.
11. Кодыр заводитчӧ ур пиавны.
12. Кор кӧчьяс рудӧдісны.
13. Пасйӧй, кор кутшӧм гагъяс ловзисны.
14. Кор заводитісны кульмыны черияс. Кутшӧмъяс.
Мортлӧн уджъяс.
1. Кор локтісны кыйсьысьяс тувсов вӧрысь (водзджык кӧ мукӧд вося дорысь, мыйла водз).
2. Кор дугдісны кер лэдзӧмысь (кыскалӧмысь кер лэдзан срок). Кор кывтісны кер пуръяс.
3. Кор кӧдзисны тувсов кӧдзаяс (няньяс), кутшӧмъясӧс (гортаныд и школаын).
4. Кор пуктасъяс пуктыссис, кутшӧм.
