КИӦН УДЖАЛӦМ ДА МАШИНАӦН УДЖАЛӦМ

І.

Киӧн вурсьысь минутын удитӧ ветымынысь вурыштны, вурсян машинаӧн сы дыранас позьӧ вурыштны кӧкъямыссёысь, руӧн бергӧдлан вурсян машинаӧн — сюрс да витсёысь.

Кымынысьӧн унджыкысь вурыштӧ парӧн бергӧдлан машина киӧн вурсьысь дорысь?

Эм кӧ гортаныд вурсян машина, тӧдмалӧй, кымынысь сійӧ вурыштӧ быд минутын. Сэсся тӧдмалӧй, минутнас кымынысь удитан вурыштны швейкаӧн вурсигӧн. Арталӧй, код ногыс ӧдйӧджык позьӧ вурсьыны и ёна-ӧ ӧдйӧ.

ІІ.

Булавкаяс кӧ пондіс вӧчавны ӧти морт, сійӧ эськӧ луннас вермис вӧчны сӧмын 810-ӧс. Кор машинаяс эз на вӧвны, 10 рабочӧй, уджсӧ ас костаныс юкӧмӧн, лунӧн вермылісны вӧчны 48.000 булавка. Ӧні ӧти нывбаба-рабочӧй, ӧтнасӧн нёль машинаӧн уджалігӧн, вӧчӧ лунӧн 600.000 булавка.

_____________

Кымын булавкаӧн морт вылӧ вермӧны вӧчны быд лун машинатӧг, сӧмын уджсӧ ас костаныс юкӧмӧн уджалігӧн?

Кымынысьӧн унджык вермӧ вӧчны булавкаяс ӧти нывбаба нёль машинаӧн уджалігӧн, машинатӧг, удж юкӧмӧн уджалысь рабочӧй дорысь? Машинатӧг, удж юктӧг, уджалысь рабочӧй дорысь?

ІІІ.

Пельса вӧчысь лунӧн вермӧ вӧчны кык пельса. Карасин бӧчка вӧчан фабрикаын 53 рабочӧй 40 машинаӧн уджалігӧн быд лун вӧчӧны 2.544 бӧчка.

___________

Кымын бӧчкаӧн морт вылӧ воӧ фабрикаын быд лунся вӧчӧм?

Кымынысьӧн унджык вермӧ вӧчны бӧчкаяссӧ фабрикаса рабочӧй пельса вӧчысь дорысь?