АВТОМОБИЛЬ ТУЙ СЫКТЫВ – УХТА КОСТ

Туйтӧг олӧм овмӧс кыпӧдӧмын да культурнӧй строительство паськӧдӧмын зэв ыджыд лёк. Сӧвет власьт ёна пессьӧ туйястӧм олӧм бырӧдны.

Коми обласьтын ӧнӧдз колан бур туйяс эз жӧ вӧвны. Ӧні вӧчӧны кык туй: кӧрт туй да шоссе туй. Сыктывкар – Пинюг кост кӧрт туй вӧчны шуӧмкӧд тшӧтш правительство шуис вӧчны грунтӧвӧй туй Сыктывкар – Емдін – Ухта кост, 390 километр кузьта, матыстчыны сійӧ туйӧн мупытшса озырлуна районъясӧ.

Туйяс вӧчны правительство сетіс сьӧм да туй вӧчан уджсӧ нуӧдны индіс Войвыв лагеръясса управленньӧлы.

1929ʼ вося август тӧлысьын пондісны воавны киркаа, зыръяса войтыр — туй вӧчысьяс. Чорыда пузьӧдчис удж.

Туй вӧчны срок сетӧма дженьыдӧс.