МЫЙ КОЛӦ ТӦДМАВНЫ КАР ЙЫЛЫСЬ

І.

Колӧ велӧдчыны карта вылысь тӧдны.

Босьтӧй Коми обласьт карта да корсьӧй сэтысь Сыктывкар.

Тӧдмалӧй карта серти, кыдзи мунны тіянсянь Сыктывкарӧдз. Кымын километр тіянсянь Сыктывкарӧдз?

Масштаб серти картасӧ мерайтӧмӧн тӧдмалӧй, кымын километр кузя Коми обласьтыд (войвывсянь лунвылӧ) да кымын километр пасьта (рытыввывсянь асыввылӧ).

Тӧдмалӧй, кутшӧм юяс эмӧсь Коми обласьтын.

ІІ.

Сёрни.

Висьталӧй, коді тіян пытшкысь воліс Сыктывкарӧ, мый сэтысь аддзыліс. Кутшӧм овлӧ карыд рытнас? Кутшӧмӧсь керкаясыс карад? Кыдзи югдӧдӧны карсӧ? Кодарланьын карас овлӧ унджык йӧзыс?

ІІІ.

Юасьӧй, кутшӧм учрежденньӧяс эмӧсь Сыктывкарад: велӧдчанінъяс, библиотекаяс, музей, театр, больнича?

Коді юрнуӧдысьыс карас?